'പൈതലാം യേശുവേ' ഗാനത്തിന്റെ ശില്പി ഫാ. ജസ്റ്റിൻ പനയ്ക്കൽ വിടവാങ്ങി
എറണാകുളം: മലയാളിയുടെ പ്രാർത്ഥനാവേളകളെ സംഗീതസാന്ദ്രമാക്കിയ പ്രശസ്ത ക്രൈസ്തവ ഭക്തിഗാനങ്ങളുടെ സംഗീതസംവിധായകൻ ഫാദർ ജസ്റ്റിൻ പനയ്ക്കൽ (91) അന്തരിച്ചു. കൊച്ചി മഞ്ഞുമ്മലിലെ സന്യാസഭവനത്തിൽ വെച്ചായിരുന്നു അന്ത്യം. വാർദ്ധക്യസഹജമായ അസുഖങ്ങളെത്തുടർന്ന് ചികിത്സയിലായിരുന്നു അദ്ദേഹം. മൃതദേഹം നിലവിൽ മഞ്ഞുമ്മൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സംസ്കാരം ഏപ്രിൽ ആറിന് നടക്കും.
മലയാളികൾ എന്നും നെഞ്ചേറ്റുന്ന 'പൈതലാം യേശുവേ', 'ദൈവം പിറക്കുന്നു..' എന്ന വിഖ്യാത ഗാനങ്ങൾ ഉൾപ്പെടെ നിരവധി ഹിറ്റുകൾക്ക് ഈണം നൽകിയത് ജസ്റ്റിൻ അച്ചനാണ്. കേവലം 28 ഗാനങ്ങൾക്ക് മാത്രമാണ് അദ്ദേഹം സംഗീതം പകർന്നതെങ്കിലും അവയെല്ലാം ഗുണമേന്മകൊണ്ടും ആലാപന മികവുകൊണ്ടും മലയാള സംഗീത ചരിത്രത്തിൽ ഇടംപിടിച്ചു. അദ്ദേഹം ഈണം നൽകിയ 28 ഗാനങ്ങളിൽ 25 എണ്ണവും ആലപിച്ചത് ഗാനഗന്ധർവ്വൻ കെ.ജെ. യേശുദാസ് ആയിരുന്നു.
1980-കളിൽ മ്യൂസിക് കാസറ്റുകൾ സജീവമായിരുന്ന കാലത്താണ് അദ്ദേഹത്തിന്റെ സൃഷ്ടികൾ പുറത്തിറങ്ങിയത്. 1983-ൽ പുറത്തിറങ്ങിയ 'തളിർമാല്യം' എന്ന ആൽബത്തിലൂടെയാണ് അദ്ദേഹം ശ്രദ്ധിക്കപ്പെടുന്നത്. തുടർന്ന് 'സ്നേഹപ്രവാഹം', 'സ്നേഹസന്ദേശം' എന്നീ കാസറ്റുകളിലെ ഗാനങ്ങളും വലിയ ജനശ്രദ്ധ പിടിച്ചുപറ്റി. തരംഗിണി സ്റ്റുഡിയോയിൽ വെചാണ് അദ്ദേഹത്തിന്റെ ഒടുമിക്ക ഗാനങ്ങളും റെക്കോർഡ് ചെയ്യപ്പെട്ടത്.
തന്റെ സംഗീത വൈഭവം ഒരു ഹോബി മാത്രമായാണ് അദ്ദേഹം കണ്ടിരുന്നത്. "ഞാൻ ഒരു വൈദികനായി അറിയപ്പെടാനാണ് ആഗ്രഹിക്കുന്നത്" എന്നതായിരുന്നു എന്തുകൊണ്ട് കുറച്ചു ഗാനങ്ങൾ മാത്രം ചെയ്തു എന്ന ചോദ്യത്തിന് അദ്ദേഹം നൽകിയിരുന്ന മറുപടി. ആലുവ മംഗലപ്പുഴ സെമിനാരിയിൽ 28 വർഷത്തോളം പ്രൊഫസറായി സേവനമനുഷ്ഠിച്ച അദ്ദേഹം ദൈവശാസ്ത്രത്തിൽ ഡോക്ടറേറ്റ് നേടിയിട്ടുണ്ട്. ആത്മീയതയും അറിവും സംഗീതവും ഒരുപോലെ സമ്മേളിച്ച വ്യക്തിത്വമായിരുന്നു അദ്ദേഹത്തിന്റേത്.
'മഞ്ഞു പൊഴിയുന്ന മാമരം കൊച്ചുന്ന', 'ദൈവം നിരുപമ സ്നേഹം', 'യേശുവിൻ്റെ പ്രാണനാഥൻ', 'സ്നേഹസ്വരൂപ', 'പുതിയൊരു പുലരി' തുടങ്ങിയ ഗാനങ്ങൾ ഇന്നും വിശ്വാസികളുടെ ഹൃദയത്തിൽ തങ്ങിനിൽക്കുന്നു. സംഗീതത്തിലെ സാങ്കേതിക തികവും രചനാ വൈഭവവും ഒത്തുചേർന്ന അദ്ദേഹത്തിന്റെ കൃതികൾ ഭക്തിഗാന ശാഖയ്ക്ക് നൽകിയ സംഭാവനകൾ വിലമതിക്കാനാവാത്തതാണ്.
സിവിൽ എഞ്ചിനീറിംഗിൽ ഡിപ്ലോമയും കുറഞ്ഞത് രണ്ടു വർഷത്തെ പ്രവർത്തി പരിചയവും ഉള്ള സിവിൽ എന്ജിനീയേഴ്സിനെ ഒമാനിലേക്ക് അവിശ്യമുണ്ട്. GCC ഡ്രൈവിംഗ് ലൈൻസ് ഉള്ളവർക്ക് മുൻഗണന. Contact: +96891154584
Advertisement
