ആത്മപകർച്ചയുടെ വൈപിഇ ത്രിദിന റീജിനൽ യൂത്ത് ക്യാമ്പിന് അനുഗ്രഹീത സമാപ്തി
മുംബൈ : ചർച്ച് ഓഫ് ഗോഡ് സെൻട്രൽ വെസ്റ്റ് റീജിയൻ വൈ.പി.ഇ ഡിപ്പാർട്ട്മെന്റിന്റെ ആഭിമുഖ്യത്തിൽ ഒക്ടോബർ 21-23 വരെ ചർച്ച് ഓഫ് ഗോഡ് മഹനീയം ക്യാമ്പസിൽ യൂത്ത് ക്യാമ്പ് നടന്നു.
റീജിനൽ വൈപിഇ ഡയറക്റ്റർ പാസ്റ്റർ ഷിജ്ജു തോമസ്സിന്റെ അധ്യക്ഷതയിൽ നടന്ന പ്രഥമ മീറ്റിംഗിൽ റീജിനൽ ഓവർസ്സിയർ പാസ്റ്റർ.ഇ.പി സാംകുട്ടി ഉത്ഘാടനം ചെയ്തു. “മുഖാമുഖം യേശുവുമായി” എന്ന തീംമിനെ ആസ്പദമാക്കി ക്രിസ്തുവിനെ ലക്ഷ്യമാക്കി ഓടുവാനും, ആ ദർശനം പ്രാപിക്കുവാനും ആഹ്വാനം ചെയ്തു.
വിവിധ സെഷനുകളിൽ ഇവാ.ജോബിൻ സാം മാത്യു ( ബാംഗ്ലൂർ) ഇവാ.സിബി മാത്യു (ബാംഗ്ലൂർ) പാസ്റ്റർ ആൽബി തോമസ്സ് (കേരള) എന്നിവർ ക്യാസ്സുകൾ നയിച്ചു. പരിശുദ്ധാത്മ സാനിധ്യം നിറഞ്ഞു നിന്ന എല്ലാ സെക്ഷനുകളും യുവജനങ്ങൾക്ക് അനുഗ്രഹമായി.
പാസ്റ്റർ മാർക്ക് ത്രിഭുവന്റെ നേത്യത്വത്തിലുള്ള ടീം ഗാനശുശ്രൂഷകൾക്ക് നേത്യത്വം നൽകി. കൂടാതെ റിജിയനിലെ വിവിധ സഭകളിൽ നിന്നുള്ള യുവജനങ്ങളും വിവിധ സെഷനുകളിൽ ഗാന ശുശ്രൂഷകളിൽ പങ്കാളികളായി.
പാസ്റ്റർ ഷിബു മാത്യുവിന്റെ നേതൃത്വത്തിൽ നടന്ന റ്റാരി മീറ്റിംഗിൽ പാസ്റ്റർ ഷിബു വർഗീസ്, പാസ്റ്റർ ബിജു എം ജി, റീജിയണിലെ മറ്റു ദൈവദാസന്മാർ ഈ ആത്മീക ശുശ്രൂഷയിൽ പങ്കുചേർന്നു. റ്റാരി മീറ്റിംഗ് പരിശുദ്ധാന്മാവിന്റെ പകർച്ചയായി തീർന്നു, അനേക യുവജനങ്ങക്ക് പരിശുദ്ധാത്മ സ്നാനത്തിനും കൃപാവരപ്രാപണത്തിനു റ്റാരിമീറ്റിംഗ് കാരണമായി. ചിലർ പുർണ സമയ സുവിശേഷ വേലക്കായി സമർപ്പിച്ചു.
യുവതലമുറ അഭിമുഖീകരിക്കുന്ന വിവിധ വിഷയങ്ങളെ ഉൾപ്പെടുത്തി പാസ്റ്റർ മനു കെ ചാക്കോ നേതൃത്വം നൽകിയ പ്രത്യേക കൗൺസലിംഗ് സെക്ഷനും, തുടർന്ന് വ്യക്തിഗത കൗൺസലിംഗും ഒരു നവാനുഭവമായിരുന്നു.
പാസ്റ്റർ ജിക്സൺ ജയിംസിന്റെ അധ്യക്ഷതയിൽ നടന്ന സമാപനയോഗത്തിൽ പാസ്റ്റർ ആൽബി തോമസ്സ് നടത്തിയ മിഷൻ ചലഞ്ച് യുവാക്കൾക്ക് ക്രിസ്തുവിന്റെ വേലക്ക് വേണ്ടിയുള്ള ഒരു പുതിയ ദിശാബോധം നൽകി, തുടർന്ന് നടന്ന പ്രാർത്ഥനയിൽ നൂറുകണക്കിന് യുവതി, യുവാക്കൾ ക്രിസ്തുവിന്റെ വേലക്കുവേണ്ടി സമർപ്പണത്തോടെ കണ്ണുനീരോടെ സമർപ്പിച്ചു. റീജിനൽ ട്രഷറാർ ടിജോ ചെറിയാൻ നന്ദി പ്രകാശിപ്പിച്ചു.
