രണ്ടാം ഭൂപരിഷ്കരണ സമിതിയി അംഗമായി സാബു മുളക്കുടിയിൽ
തിരുവനന്തപുരം: കേരള സർക്കാരിന്റെ രണ്ടാം ഭൂപരിഷ്കരണവുമായി ബന്ധപ്പെട്ട അഞ്ചംഗ സമിതിയിലേക്ക് ഐപിസി കേരള സ്റ്റേറ്റ് കൗൺസിൽ അംഗവും നാലാഞ്ചിറ ഐപിസി ജയോത്സവം വർഷിപ്പ് സെന്റർ അംഗവുമായ സാബു മുളക്കുടിയിൽ തിരഞ്ഞെടുക്കപ്പെട്ടു.
മുൻ പത്തനംതിട്ട ഡെപ്യൂട്ടി കളക്ടറായിരുന്ന സാബു മുളക്കുടിയിൽ ഭൂപരിഷ്കരണ നിയമവുമായി ബന്ധപ്പെട്ട വിഷയങ്ങളിൽ ദീർഘകാല പരിചയമുള്ള വ്യക്തിയാണ്. “സമഗ്ര ഭൂപരിഷ്കരണ നിയമം: പ്രസക്തിയും പ്രാധാന്യവും” എന്ന പുസ്തകവും അദ്ദേഹം രചിച്ചിട്ടുണ്ട്.
നിലവിൽ ഭൂപരിഷ്കരണവുമായി ബന്ധപ്പെട്ട വിവിധ വിഷയങ്ങളിൽ വിദ്യാഭ്യാസ-പരിശീലന ക്ലാസുകൾ നടത്തിവരുന്നു. ഭരണരംഗത്തെ അനുഭവവും വിഷയത്തിലുള്ള പഠനവും പരിഗണിച്ചുള്ള അദ്ദേഹത്തിന്റെ സമിതി അംഗത്വം ശ്രദ്ധേയമാണ്.
ഭൂപരിഷ്കരണ നിയമം, അതിന്റെ ചരിത്രപരമായ പശ്ചാത്തലം, നിയമത്തിന്റെ പ്രായോഗിക വശങ്ങൾ തുടങ്ങിയ വിഷയങ്ങളിൽ ക്ലാസുകളും പരിശീലന പരിപാടികളും നടത്തിവരുന്നു.ഭരണരംഗത്തെ ദീർഘകാല അനുഭവം, ഭൂപരിഷ്കരണ വിഷയത്തിലുള്ള പഠനം, ഗ്രന്ഥരചന, വിദ്യാഭ്യാസ-പരിശീലന രംഗത്തെ ഇടപെടൽ എന്നിവയുടെ പശ്ചാത്തലത്തിലാണ് സാബു മുളക്കുടിയിലിന്റെ പുതിയ നിയമനം ശ്രദ്ധേയമാകുന്നത്.
