പാസ്റ്റർ കെ.കെ. ചെറിയാൻ്റെ സംസ്കാരം ഒക്ടോ. 13 ന്
കുമ്പനാട്: ഐപിസിയിലെ സീനിയർ ശുശ്രുഷകനും പ്രശസ്ത കൺവൻഷൻ പ്രസംഗകനും വേദാദ്ധ്യാപകനുമായ തോന്നിയാമല പകലേമറ്റം കവുങ്ങുംപുരയിടത്തിൽ പാസ്റ്റർ കെ.കെ ചെറിയാൻ (84) കർത്തൃസന്നിധിയിൽ ചേർക്കപ്പെട്ടു. സംസ്കാരം
ഒക്ടോ.13 ന് ചൊവ്വാഴ്ച നടക്കും.
രാവിലെ 8 മുതൽ 12 വരെ കുമ്പനാട് മണിയാറ്റ് ഓഡിറ്റോറിയത്തിലും, ഉച്ചയ്ക്ക് 12:30 മുതൽ 3 വരെ തോന്നിയാമല ബഥേൽ എ.ജി ചർച്ചിലും പൊതുദർശനവും സംസ്കാരശുശ്രൂഷകളും നടക്കും. തുടർന്ന് സഭാ സെമിത്തേരിയിൽ സംസ്കാരം.
ദീർഘ വർഷങ്ങൾ ഐപിസി റാന്നി വെസ്റ്റ് സെന്ററിന്റെ സെൻ്റർ ശുശ്രൂഷകനായിരുന്നു.
ഐപിസിയുടെ ആലപ്പുഴ, എറണാകുളം, വാളകം, റാന്നി തുടങ്ങിയ സെന്ററുകളിൽ സെന്റർ ശുശ്രൂഷകനായി പ്രവർത്തിച്ചു. അമേരിക്കൻ ഐക്യ നാടുകൾ കൂടാതെ ഗൾഫ് രാജ്യങ്ങളിലും ഇന്ത്യയുടെ വിവിധ സംസ്ഥാനങ്ങളിലും സുവിശേഷ സത്യങ്ങൾക്കുവേണ്ടി നിലകൊണ്ടു.
ഭാര്യ: മാവേലിക്കര വാണിയംപറമ്പിൽ പരേതനായ പാസ്റ്റർ ജി. സാമുവലിൻ്റെ മകൾ ജയാ ചെറിയാൻ. മക്കൾ: റേച്ചൽ, കോശി, എലിസബത്ത്, സാം, ഏബ്രഹാം, സൂസൻ (എല്ലാവരും യുഎസ്). മരുമക്കൾ: ബിനു, ഡോ. ഷൈനി, ഡോ. പ്രമോദ്, ഷെറിൻ, ജാൻസി, ജോഷ്വ (എല്ലാവരും യുഎസ്).
വാർത്ത: നിബു വെള്ളവന്താനം
Advertisement
