ധോണി കൺവൻഷനും ജൂബിലി സമ്മേളനവും ജനു. 29 മുതൽ
പാലക്കാട്: ഇന്ത്യാ പെന്തെക്കോസ്ത് ദൈവസഭ പട്ടാമ്പി സെൻ്റർ 14 മത് വാർഷിക സമ്മേളനവും 25 മത് ധോണി കൺവെൻഷനും ജനുവരി 29 മുതൽ ഫെബ്രുവരി 1 വരെ ഉമ്മിണി യുപി സ്കൂളിന് സമീപം കർമ്മേൽ ഗ്രൗണ്ടിൽ നടക്കും. എല്ലാദിവസവും വൈകിട്ട് 5.30 മുതൽ 9 വരെയാണ് പൊതുയോഗങ്ങൾ. സെൻ്റർ മിനിസ്റ്റർ പാസ്റ്റർ ചാക്കോ ദേവസ്യ ഉദ്ഘാടനം നിർവഹിക്കും. പാസ്റ്റർമാരായ അജി ആൻ്റണി, ഫിലിപ്പ് പി തോമസ്, സജു ചാത്തന്നൂർ, അനീഷ് കാവാലം എന്നിവർ പ്രസംഗിക്കും.
പ്രശസ്ത ഗായിക സിസ്റ്റർ പെർസിസ് ജോണിൻ്റെ നേതൃത്വത്തിൽ പത്തനാപുരം ശാലേം വോയ്സ് ഗാനശുശ്രൂഷ നിർവഹിക്കും.
വെള്ളിയാഴ്ച രാവിലെ 10 മുതൽ ഉപവാസ പ്രാർത്ഥന, ശനിയാഴ്ച രാവിലെ 10 മുതൽ സാംസ്കാരിക സമ്മേളനം ഞായറാഴ്ച രാവിലെ 9 മുതൽ സംയുക്ത സഭായോഗം എന്നിവ നടക്കും.
ജനു.31 രാവിലെ 10 ന് ഐപിസി കർമ്മേൽ ധോണി സഭയിൽ നടക്കുന്ന ജൂബിലി സാംസ്കാരിക സമ്മേളനത്തിൽ വിശിഷ്ടാതിഥികൾ പങ്കെടുക്കും. പാലക്കാട് എം.പി. വി.കെ. ശ്രീകണ്ഠൻ ഉദ്ഘാടനം നിർവഹിക്കും.
പാലക്കാട് സൗത്ത് സോൺ ജോയിൻ സെക്രട്ടറി ഇവാ.പി.വി മാത്യു അധ്യക്ഷനായിരിക്കും. പാസ്റ്റർ കെ.കെ. മാത്യു, എ.പ്രഭാകരൻ എംഎൽഎ എന്നിവർ മുഖ്യപ്രഭാഷണം നിർവഹിക്കും. പാലക്കാട് ജില്ലയിലെ എല്ലാസെൻ്റർ ശുശ്രൂഷകമാരും ആശംസകൾ അറിയിക്കും.
ജൂബിലി സമ്മേളനത്തിൽ വിവിധ തലത്തിലുള്ള ജനപ്രതിനിധികളെയും പാലക്കാട് ജില്ലയിലെ സീനീയർ ശുശ്രൂഷകന്മാരായ പാസ്റ്റർ എം.വി മത്തായി, പാസ്റ്റർ ജോയ് വർഗീസ്, പാസ്റ്റർ കെ. യു ജോയ്, കെ.സി ഉമ്മൻ എന്നിവരെയും മാധ്യമപ്രവർത്തകരായ ഹല്ലേലൂയാ ചീഫ് എഡിറ്റർ സാംകുട്ടി ചാക്കോ നിലമ്പൂർ, ഗുഡ്ന്യൂസ് എക്സിക്യൂട്ടീവ് എഡിറ്റർ സജീ മത്തായി കാതേട്ട്, ഡോ. സാജൻ സി ജേക്കബ് എന്നിവരെയും ആദരിക്കും.
