പാസ്റ്റർ എൻ.സി വർക്കി നിര്യാതനായി
ചിക്കാഗോ: ദീർഘകാലം ചിക്കാഗോ ഐപിസി ഹെബ്രോൻ സഭയിലെ അംഗവും ശുശ്രൂഷാസഹായിയുമായിരുന്ന പാസ്റ്റർ എൻ.സി വർക്കി (തങ്കച്ചൻ 82) കേരളത്തിൽ നിര്യാതനായി. സംസ്കാരം ഫെബ്രുവരി 7ന് വടശ്ശേരിക്കര പേഴുംമ്പാറ ചർച്ച് ഓഫ് ഗോഡ് സഭയുടെ ആഭിമുഖ്യത്തിൽ നടക്കും.
വാർദ്ധക്യ സഹജമായ അസുഖങ്ങളെ തുടർന്ന് വടശ്ശേരികരയിൽ വിശ്രമജീവിതം നയിച്ചു വരികയായിരുന്നു. നെടിയ കാലായിൽ കുടുംബാംഗമാണ്. ചർച്ച് ഓഫ് ഗോഡ് കേരള സ്റ്റേറ്റിന്റെ വിവിധ സഭകളിൽ 52 വർഷം സഭാ ശുശ്രൂഷകനായി സേവനമനുഷ്ഠിച്ചിട്ടുണ്ട്.
ഏലിയാമ്മ വർക്കിയാണ് ഭാര്യ. ഫെയ്ത്ത് റോയി ഇട്ടി ചെറിയ (ചിക്കാഗോ ) സാം വർഗീസ് ( ന്യൂജേഴ്സി) എന്നിവർ മക്കളും ഇവാ. റോയി ഇട്ടിച്ചെറിയ( ചിക്കാഗോ), സനു വർഗീസ് (ന്യൂജേഴ്സി) എന്നിവർ മരുമക്കളുമാണ്. ജഫ്രീൻ, ജറമി എന്നിവർ കൊച്ചുമക്കളാണ്.
വാർത്ത: കുര്യൻ ഫിലിപ്പ്
Advertisement
