ഐപിസി ഉപ്പുതറ സെന്റർ കൺവൻഷൻ ഫെബ്രു. 21 മുതൽ
വാർത്ത: രജ്ഞിത്ത് പി. ദാസ്
ഉപ്പുതറ : ഐപിസി ഉപ്പുതറ 33-ാമത് സെന്റർ കൺവൻഷൻ ബുധനാഴ്ച മുതൽ ഫെബ്രുവരി 25 വരെ എല്ലാ ദിവസവും വൈകിട്ട് 6 മുതൽ രാത്രി 9 വരെ ഉപ്പുതറ ഐപിസി ബെഥേൽ ഗ്രൗണ്ടിൽ യോഗങ്ങൾ നടക്കും. സെന്റർ മിനിസ്റ്റർ പാസ്റ്റർ കെ. വി വർക്കി ഉദ്ഘാടനം ചെയ്യുന്ന യോഗങ്ങളിൽ പാസ്റ്റർമാരായ ഫെയ്ത് ബ്ലെസ്സൻ പള്ളിപ്പാട്, ഷാജി എം. പോൾ(വെണ്ണിക്കുളം), സജോ തോണിക്കുഴിയിൽ, റെജി ശാസ്താംകോട്ട, സാം ജോർജ്(പത്തനാപുരം ) എന്നിവർ പ്രസംഗിക്കും.
വെള്ളിയാഴ്ച നടക്കുന്ന സോദരി സമാജം വാർഷിക യോഗത്തിൽ റീജ ബിജുവും (കൊട്ടാരക്കര), ശനിയാഴ്ച നടക്കുന്ന സണ്ടേസ്കൂൾ പിവൈപിഎ സംയുക്ത വാർഷിക യോഗത്തിൽ സണ്ടേസ്കൂൾ കേരള സ്റ്റേറ്റ് സെക്രട്ടറി പാസ്റ്റർ തോമസ് മാത്യുവും പങ്കെടുക്കും. സെന്റർ ക്വയർ ഗാനശുശ്രൂഷയ്ക്ക് നേതൃത്വം നൽകും. ഞായറാഴ്ച നടക്കുന്ന സെന്റർ സഭകളുടെ സംയുക്ത ആരാധനയോടും, കർത്തൃമേശയോടും കൺവൻഷൻ സമാപിക്കും.
Advertisement
