ഏബ്രഹാം ഉമ്മൻ പാസ്റ്റേഴ്‌സ് പെൻഷൻ പദ്ധതി: അപേക്ഷകൾ ക്ഷണിക്കുന്നു
കുമ്പനാട് : ഐപിസിയുടെ കേരളാ സ്റ്റേറ്റിനു കീഴിൽ അംഗീകൃത സഭകളിൽ ദീർഘകാലം ശുശ്രൂഷയിലായിരുന്ന ശേഷം ഇപ്പോൾ വിശ്രമത്തിലായിരിക്കുന്ന ശുശ്രൂഷകന്മാർക്ക് ഏബ്രഹാം ഉമ്മനും സോഷ്യൽ വെൽഫെയർ ബോർഡും ചേർന്ന് നടപ്പിലാക്കുന്ന പ്രതിമാസ സാമ്പത്തിക സഹായത്തിനായി അപേക്ഷകൾ ക്ഷണിക്കുന്നു. ഐപിസി സ്ഥാപക നേതാക്കളിൽ ഒരാളായ പാസ്റ്റർ ടി.ജി. ഉമ്മന്റെ മകനും ഐപിസി ഹരിയാന സ്റ്റേറ്റ് പ്രെസിഡന്റുമാണ് ജീവ കാരുണ്യ പ്രവർത്തകനായ പാസ്റ്റർ ഏബ്രഹാം ഉമ്മൻ. കൂടാതെ കേരളത്തിലെ എല്ലാ ഐപിസി പാസ്റ്റർമാർക്കും സൗജന്യമായി നൽകുന്ന അപകട ഇൻഷുറൻസ് പരിരക്ഷ പദ്ധതിയ്ക്ക് ആവശ്യമായ തുകയും പാസ്റ്റർ ഏബ്രഹാം ഉമ്മനാണ് നൽകിയത്.
മരണപ്പെട്ട ശുശ്രൂഷകന്മാരുടെ ഭാര്യമാർക്കുള്ള സഹായം (തോമസ് വർഗീസ് വിധവ സഹായ പദ്ധതി), ഐപിസി കുവൈറ്റ് - സോഷ്യൽ വെൽഫെയർ ബോർഡ് പെൻഷൻ പദ്ധതി, ആടുവളർത്തൽ പദ്ധതി (ജോർജ് മത്തായി സി.പി.എ പ്രൊജക്റ്റ്), ഗ്രൂപ്പ് ഫാർമിംഗ്, വരുമാന വർദ്ധനവിന് ഉതകുന്ന വിവിധ പദ്ധതികൾ തുടങ്ങിയ വിവിധ പ്രവർത്തനങ്ങൾ വെൽഫെയർ ബോർഡ് നടത്തിവരുന്നതായി ഭാരവാഹികൾ ഗുഡ്‌ന്യൂസിനോട് പറഞ്ഞു. വൺ റുപ്പീ ചലഞ്ച് നടപ്പിലാക്കുന്ന സഭകൾക്കാണ് മുൻഗണന.
സജി മത്തായി കാതേട്ട് (ചെയർമാൻ), ജോസ് ജോൺ കായംകുളം (വൈസ് ചെയർമാൻ), ബേസിൽ അറക്കപ്പടി (സെക്രട്ടറി), പാസ്റ്റർ ബോബൻ ക്ലീറ്റസ് (ജോയിൻ സെക്രട്ടറി) , ജോബി എബ്രഹാം (ട്രഷറർ), പാസ്റ്റർ ജോൺസൺ കുര്യൻ (കോഡിനേറ്റർ), ജോർജ് തോമസ് (ഫിനാൻസ് കോഡിനേറ്റർ), സന്ദീപ് വിളമ്പുകണ്ടം (മീഡിയ), പാസ്റ്റർ വർഗീസ് ബേബി (സ്പിരിച്വൽ മെന്റർ), ഡേവിഡ് സാം (ഓഫീസ് അഡ്മിനിസ്ട്രേറ്റർ) തുടങ്ങിയവർ അടങ്ങുന്ന സമിതിയാണ് പ്രവർത്തനങ്ങൾക്ക് നേതൃത്വം നൽകുന്നത്. വെസ്ലി മാത്യു (ഡാളസ്) ആണ് ഡയറക്ടർ. സോഷ്യൽ വെൽഫെയർ ബോർഡിന്റെ പ്രവർത്തനങ്ങൾക്കായി കൗൺസിൽ അംഗങ്ങളെ കൂടാതെ എല്ലാ ജില്ലകളിലും കോർഡിനേറ്റരും പ്രവർത്തനങ്ങൾക്ക് നേതൃത്വം നല്കുന്നു.
അപേക്ഷകർ ഐപിസി കേരളാ സ്റ്റേറ്റിനു കീഴിൽ അംഗീകാരമുള്ള ഏതെങ്കിലും സഭകളിൽ അംഗത്വമുള്ളവരും 70 വയസിനു മുകളിലുള്ളവരും ആയിരിക്കണം. സോഷ്യൽ വെൽഫെയർ ബോർഡ് പെൻഷൻ പദ്ധതിയിലേക്ക് നേരത്തെ അപേക്ഷിച്ചവർ വീണ്ടും അപേക്ഷിക്കേണ്ടതില്ല. വെള്ള പേപ്പറിൽ തയ്യാറാക്കിയ അപേക്ഷയോടൊപ്പം സെന്റർ ശുശ്രൂഷകൻ / കേരളാ സ്റ്റേറ്റ് കൗൺസിൽ അംഗം ഇവരിൽ ഒരാളുടെ ശുപാർശ കത്തോടുകൂടി ഏപ്രിൽ 20 നുള്ളിൽ താഴെ പറയുന്ന ഏതെങ്കിലും ഒരു വാട്ട്സാപ്പ് നമ്പരിൽ അയക്കേണ്ടതാണെന്നു ഭാരവാഹികൾ അറിയിച്ചു.
അപേക്ഷകൾ അയക്കേണ്ട വാട്ട്സാപ്പ് നമ്പർ : സജി മത്തായി കാതേട്ട് : 94473 72726, ജോസ് ജോൺ കായംകുളം: -9447486110, ബേസിൽ അറക്കപ്പടി: -98474 12435, ഡേവിഡ് സാം : +974 7728 2832.
Advertisement
